ალბანეთში საპროტესტო აქციის მონაწილეებმა, პრემიერის ოფისს მოლოტოვის კოქტეილები ესროლეს. ამის შესახებ ინფორმაციას BBC ავრცელებს.
გასული სამი თვის განმავლობაში, ათასობით ალბანელი, პრემიერ მინისტრის, ედი რამას მმართველობას აპროტესტებს. აქციის მონაწილეები პრემიერს არჩევნების გაყალბებასა და კორუფციაში სდებენ ბრალს.
ოპოზიციის ლიდერი ლულზიმ ბაშა და საპროტესტო აქციის მონაწილეები პრემიერის გადადგომას მოითხოვენ. ლულზიმ ბაშამ, ალბანელ თანამოქალაქეებს პროტესტის გამოხატვისკენ მოუწოდა.