მალხაზ მაჩალიკაშვილმა სუს-ის შენობა დატოვა. როგორც შეხვედრის დასრულების შემდეგ მალხაზ მაჩალიკაშვილის ადვოკატმა, მარიამ კუბლაშვილმა განაცხადა, დაკითხვა საკმაოდ მშვიდ ვითარებაში მიმდინარეობდა.
იყო მოლოდინი რომ დაეკავებინათ. შემდგომი ეტაპი არის გამოძიების გადასაწყვეტი, რა გადაწყვეტილებას მიიღებს პროკურატურა", - განაცხადა კუბლაშვილმა. მისივე თქმით, წარმოდგენილი იყო სხვადასვხა მტკიცებულებები, რაზეც მალხაზ მაჩალიკაშვილს ჰქონდა შენიშვნები.
კუბლაშვილმა აღნიშნა, რომ სუს-ის მიერ წარმოდგენილი ფარული აუდიოჩანაწერზე ექსპერტიზხა ჩატარებული არ არის და, შესაბამისად, მისი ავთენტურობა დადგენილი არ არის.
შეგახსენებთ, რომ სახელმწიფო უსაფრთხოების სამსახურის ინფორმაციით, მალხაზ მაჩალიკაშვილი ტერიროსტული აქტის მომზადებას გეგმავდა. სუს-ის ინფორმაციით, აღნიშნული გეგმა სუს-მა გამოავლინა. დანაშაულებრივი განზრახვის თანახმად, ტერორისტული აქტის ჩადენა იგეგმებოდა დედოფლისწყაროს რაიონის სოფელ ზემო მაჩხაანში, სახელმწიფო უსაფრთხოების სამსახურის უფროსის ყოფილი პირველი მოადგილის, იოსებ გოგაშვილის მამის საფლავზე, იოსებ გოგაშვილის და მისი თანმხლები პირების მისვლის დროს, რასაც მოჰყვებოდა მათი და სხვა მოქალაქეთა სიცოცხლის ხელყოფა. სუსმა, აღნიშნულის მტკიცებულებად, მალხაზ მაჩალიკაშილისა და თავისი ძმიშვილის, მორის მაჩალიკაშვილის ფარული აუდიოჩანაწერი გამოაქვეყნა. მორის მაჩალიკაშვილი სუს-ში გამოკითხვაზე იმყოფებოდა.
საგამოძიებო მოქმედებები მიმდინარეობს იმ სისხლის სამართლის საქმეზე, რომელიც სახელმწიფო უსაფრთხოების სამსახურის კონტრტერორისტულ ცენტრში 2018 წლის 1 ივნისს დაიწყო და ამჟამადაც მიმდინარეობს ტერორისტული აქტის მომზადების და ტერორისტული მიზნით ცეცხლსასროლი იარაღის ან/და ასაფეთქებელი მოწყობილობის მართლსაწინააღმდეგო შეძენა-შენახვის ფაქტებზე, დანაშაული გათვალისწინებული საქართველოს სსკ-ის 18,323-ე და 3231 მუხლებით.
