უიშვიათესი სახეობის აზიური შავი დათვი ფარულმა კამერებმა სამხრეთ კორეაში, დემილიტარიზებულ ზონაში დააფიქსირეს.
კადრები გადაღებულია ვიდეოკამერის მიერ, რომელიც დამონტაჟებულია ჩრდილოთ და სამხრეთ კორეის საზღვრის სიახლოვეს.
აზიური შავი დათვი მსოფლიო ველური ბუნების ორგანიზაციის მიერ კლასიფიცირებულია, როგორც გადაშენების პირას მყოფი ცხოველი. ადგილობრივი მედიის ცნობით, სავარაუდოდ კადრებზე აღბეჭდილი დათვი 8-დან 9 თვისაა და 25-35 კილოგრამს იწონის.
აზიური დათვი წარსულში სამხრეთ კორეელმა ჯარისკაცებმაც დააფიქსირეს, თუმცა ამის დამადასტურებელი ფოტო ან ვიდეომასალა არ არსებობდა.
კამერები ზემოთაღნიშნულ ტერიტორიაზე სამხრეთ კორეის ტექნოლოგიების ეროვნულმა ინსტიტუტმა დაამონტაჟა.