ავსტრალიურ 50-დოლარიან ბანკნტოზე აღმოჩენილმა კორექტურულმა შეცდომამ ავსტრალიელი ხალხის შეშფოთება გამოიწვია.
როგორც აღმოჩნდა, ავსტრალიის სარეზერვო ბანკმა მილიონობით ახალ 50-დოლარიან ბანკნოტზე სიტყვა „პასუხისმგებლობა“ (eng. Responsibility) შეცდომით დაწერა და ერთი ასო დააკლო.
ახალ ბანკნოტებზე Responsibility-ის ნაცვლად Responsibilty წერია, i-ს გარეშე.
სარეზერვო ბანკმა აღნიშნულ შეცდომაზე პასუხსმგებლობა უკვე აიღო და განაცხადა, რომ მომავალში ხარვეზს გამოასწორებენ, თუმცა 46 მლნ ახალი კუპიურა უკვე შესულია მიმოქცევაში მთელი ქვეყნის მასშტაბით.
ახალი 50-დოლარიანი მიმოქცევაში გასული წლის ბოლოს შევიდა, მასზე პირველი ავსტრალიელი ქალი პარლამენტარი ედიტ ქოუენია გამოსახული.