ყოფილ ამერიკელ იუთუბერს, ოსტინ ჯონსს, 6 არასრულწლოვანი ბავშვისთვის, სექსუალური ხასიათის ვიდეოების ზეწოლით გადაღებისთვის, 10-წლიანი პატიმრობა მიესაჯა. ამის შესახებ ინფორმაციას BBC ავრცელებს.
ირკვევა, რომ ჯონსი ექვს არასრულწლოვან გოგონას, თაყვანისცემის დასამტკიცებლად, სექსუალური ხასიათის ვიდეოების გადაღებას და მისთვის გაგზავნას სთხოვდა.
დაკავებული არასრულწლოვან გოგონებს ეუბნებოდა, რომ სექსუალური ხასიათის ვიდეოების გადაღებისა და მისთვის გაგზავნის სანაცვლოდ, სამოდელო კარიერისა და ინსტაგრამის გვერდების პოპულარიზაციაში დაეხმარებოდა.
დაკავებული ბრალს აღიარებს. ყოფილ26 წლის ვიდეობლოგერს, იუთუბზე 500,000 ხოლო მიკრობლოგ ტვიტერზე 250,000 გამომწერი ჰყავს. სასამართლოს გადაწყვეტილებით, დაკავებულის ორივე გვერდი დახურულია.
