რუსმა ოკუპანტებმა სოფელ ქვეშიდან 80 წლის მამაკაცი გაიტაცეს. თანასოფლელები ამბობენ, რომ ამირან მელაძე სატაცურის საკრეფად გუშინ წავიდა და უკან აღარ დაბრუნებულა.
ამირან მელაძის გატაცების ფაქტს ადასტურებს სახელმწიფო უსაფრთხოების სამსახური. უწყებაში ამბობენ, რომ მამაკაცი ე.წ. საზღვრის უკანონო გადაკვეთის ბრალდებით არის დაკავებული და ის ცხინვალის იზოლატორში მოათავსეს.
უწყებაში ამბობენ, რომ გატაცების მორიგ ფაქტთან დაკავშირებით ინფორმირებულია ყველა შესაბამისი სახელმწიფო უწყება და საერთაშორისო მისიების წარმომადგენლები.
