სამგზავრო თვითმფრინავი Boeing 737 აშშ-ში, ფლორიდის შტატში, ქალაქ ჯექსონვილთან მდინარეში ჩავარდა. ინფორმაციას BBC ავრცელებს.
თვითმფრინავი დაშვებისას დასაფრენი ბილიკიდან მოცურდა და მდინარეში გადაეშვა.
ბორტზე 143 ადამიანი იმყოფებოდა - 136 მგზავრი და 7 ეკიპაჟის წევრი. ყველა მათგანი გადარჩა.
21 ადამიანი გადაიყვანეს ჰოსპიტალში სხვადასხვა მცირე ტრავმის გამო.
ჩარტერულ რეისს ასრულებდა ავიაკომპანია Miami Air International. გავრცელებული ინფორმაციით, რეისი გუანტანამოს ამერიკული სამხედრო ბაზიდან სრულდებოდა.