კრიმინალურ სამყაროსთან სავარაუდო კავშირის გამო, ლიეტუვამ გრიგორი ლეპსი პერსონა ნონ გრატად გამოაცხადა. ინფორმაციას ამის შესახებ ადგილობრივი მედია ავრცელებს.
მედიის ცნობით, რუსი მომღერალი გრიგორი ლეპსი ლიეტუვაში შესვლას ვეღარ შეძლებს.
გრიგორი ლეპსის პერსონა ნონ გრატად გამოცხადებას საფუძვლად „მაგნიტსკის აქტი“ უდევს, რომელიც ხელისუფლებას აძლევს საშუალებას სხვადასხვა კრიმინალურ საქმიანობაში შემჩნეული პირების წინააღმდეგ სანქციები აამოქმედოს.
2013 წელს აშშ-მა გრიგორი ლეპსს, კრიმინალურ სამყაროსთან სავარაუდო კავშირის გამო, სანქციები დააკისრა.