აშშ-ის ელჩის მოვალეობის შემსრულებელმა როს უილსონმა, საქართველოს პრეზიდენტის, სალომე ზურაბიშვილის აშშ-ში შესაძლო ვიზიტზე დასმულ შეკითხვებს უპასუხა.
„პრეზიდენტმა ზურაბიშვილმა გამოთქვა დაინტერესება ამერიკის შეერთებულ შტატებში ვიზიტთან დაკავშირებით. იყო საუბრები ამის შესახებ, თუმცა ჯერჯერობით არაფერი დაგეგმილა, რამდენადაც მე ვიცი. ცხადია, ჩვენ ძალიან მნიშვნელოვანი ურთიერთობები გვაქვს ამ ქვეყანასთან და მოუთმენლად ველით მაღალი დონის საუბრებს მის ლიდერებთან, შესაძლებლობების შესაბამისად. რაც შეეხება ამ ამბავს, როგორც ის გაჟღერდა, გულწრფელად რომ გითხრათ ზიანის მომტანია და მიმართულია ამერიკის შეერთებული შტატებისა და საქართველოს დაშორებაზე. ეს არ იქნება სარგებლის მომტანი. ჩვენ ძლიერი ურთიერთობა გვაქვს, რაზედაც მიუთითებს ჩვენს ლიდერებს შორის არსებული მჭიდრო კავშირები“, - თქვა ელჩის მოვალეობის შემსრულებელმა.
