„იუვენტუსისა“ და პორტუგალიის ნაკრების თავდამსხმელმა კრიშტიანუ რონალდუმ თავისი ლეგენდარული ავტოპარკი შეავსო. ფეხბურთელმა Bugatti Voiture Noire 11 მლნ ევროდ იყიდა. იუწყება La Stampa.
ავტომობილი სიჩქარეს 420კმ/სთ-ით ავითარებს და მისი ძრავის სიმძლავრე 1500 ცხენის ძალას უტოლდება.
რონალდუმ არაერთგზის აღიარა, რომ ავტომობილები მისი სისუსტეა. 33 წლის სპორტსმენის პირად ავტოფარეხში 20-ზე მეტი სუპერკარი ინახება. მათ შორის Bentley Continental GTC, Ferrari 599 GTB Fiorano, Aston Martin DB9, Maserati GranCabrio, Bugatti Veyron, Rolls-Royce Phantom Drophead Coupe და Lamborghini Aventador LP 700-4.
რონალდუს ქონება 396 მლნ ევროდ არის შეფასებული. „იუვენტუსთან“ კონტრაქტით პორტუგალიელი ყოველწლიურად 30 მლნ ევროს იღებს.
Forbes-ს მონაცემებით, 2018 წელს რონალდუმ 95,3 მლნ ევრო გამოიმუშავა, მათ შორის სხვადასხვა ბრენდის რეკლამებიდან მიღებული შემოსავლებით. პორტუგალიელი ფეხბურთელი წლის ყველაზე მაღალანაზღაურებად სპორტსმენებს შირის მესამე ადგილს იკავებს, მოკრივე ფლოიდ მეივეზერისა და ფეხბურთელ ლიონელ მესის შემდეგ.
