24 აპრილს, 19:00 საათზე, ახალ სახელოვნებო სივრცეში - „ბარნოვის ხელოვნების სახლში", გურამ წიბახაშვილის გამოფენა - „ზამთარი გადატანილია", ფოტოგრაფის ამავე სახელწოდების წიგნის პრეზენტაციით გაიხსნება.
წიგნი და გამოფენა 1987-1995 წლების საქართველოს ისტორიის ერთდროულად ვიზუალური და ტექსტუალური ფორმატებით გაცოცხლების, გააზრებისა და შეჯამების საშუალებას იძლევა. 1990-იანი წლების ისტორიებს წიგნში თავმოყრილი ამბების გმირები ცოცხლად იმ ფილმში ჰყვებიან, რომელიც თიბისის ორგანიზებით სტუდია - "Film Asylum"-მა მოამზადა და რომლის ნახვის საშუალება გამოფენაზე მოსულ დამთვალიერებლებს ექნებათ.
პროექტის მხარდამჭერია თიბისი.
მის: რუსთაველის N18; მესამე სართული, „ბარნოვის ხელოვნების სახლი".