პოლიტოლოგი გია ნოდია პანკისში განვითარებულ მოვლენებს Faceebok-ით ეხმიანება.
„სულ არ მიმაჩნია ჰესების მშენებლობა კაცობრიობის წინაშე დანაშაულად და არ მგონია, რომ მათ წინააღმდეგ მოპროტესტე ხალხი ყოველთვის მართალია. მაგრამ მაინცდამაინც პანკისში 5-მეგავატიანი ჰესის მშენებლობის გამო რომ აგზავნი სპეცრაზმს, ცოტა ჭკუა ხომ უნდა გქონდეს? ძირეული პრობლემაა, რომ ქვეყანას არ ჰყავს პოლიტიკური ხელმძღვანელობა. პოლიტიკური გადაწყვეტილებების მიღება ერთ კაცს მოეკითხება, რომელსაც პოლიტიკა არც ესმის და არც აინტერესებს. დანარჩენი ტექნიკური "სტაფია"“, - წერს ნოდია.
პანკისში მოსახლეობამ ჰესის მშენებლობის დაწყება გააპროტესტა, რის გამოც შინაგან საქმეთა სამინისტრომ ხეობაში სპეციალური დანიშნულების რაზმის შეიყვანა. მოსახლეობა და პოლიციელები ერთმანეთს დაუპირისპირდნენ. სპეცრაზმმა ცრემლსადენი გაზი და რეზინის ტყვიებს გამოიყენა. ადგილობრივები კი პოლიციელებს ქვებს უშენდნენ.
ხეობაში ჩავიდა შინაგან საქმეთა მინისტრი, რომელიც ხეობის უხუცესებსა და მოსახლეობას შეხვდა. შეხვედრის შემდეგ მინისტრმა მოსახლეობას უთხრა, რომ ჰესი მხოლოდ მაშინ აშენდება, როცა მოსახლეობის 90%-იანი მხარდაჭერა ექნება.
