გასულ საუკუნეში ენერგეტიკის განვითარების შეჩერებამ საქართველოს სავალალო შედეგი მოუტანა, რომელიც ახლა არ უნდა განმეორდეს, - აცხადებს "განახლებადი ენერგიების ასოციაციის" გამგეობის თავმჯდომარე ლევან ვეფხვაძე.
„ამჟამად საქართველოში გვაქვს 100-ზე მეტი მცირე ჰესი. მცირე ჰესში იგულისხმება 10-12 მგვტ და უფრო ნაკლები. ამ ჰესებს, რომ დამანგრეველი ეფექტი ჰქონდეს, ეს გვეცოდინებოდა, მაგრამ ფაქტია, ასე არ არის, ნებისმიერი ჰესის მშენებლობა არის ნაწილი ენერგეტიკული უსაფრთხოების. თავის მხრივ, ენერგეტიკული უსაფრთხოება ქვეყნის უსაფრთხოების განვითარების ნაწილია, თუ არ გვექნება შესაბამისი ენერგეტიკული ინფრასტრუქტურა, ვერ განვავითარებთ გარემოს, ვერ შევცვლით ეკონომიკას, ვერ შევქმნით სამუშო ადგილებს. ეს კარგად უნდა გვესმოდეს. მიყალიბდება აზრი, რომ მცირე ჰესების მშენებლობის გაპროტესტებას, რომელსაც არ აქვს გავლენა ადამიანების ჯანმრთელობზე და მნიშვნლოვანია ქვეყნის განვითარებისთვის, ვიღაც უწყობს ხელს და ასე მგონია, რომ მხოლოდ ქვეყნის მტრებს, შესაძლოა, ჰქონდეთ ინტერესი იმისა, რომ ქვეყნის ენერგეტიკა ვერ განვავითაროთ.
ერთხელ ვთქვით უარი ენერგეტიკის განვითარებაზე. შედეგად მივიღეთ სრული სიბნელე, ჩავბნელდით და არ მინდა დავიჯერო, რომ იგივე მოხდება", - განაცხადა ვეფხვაძემ.