„რაც დღეს მოხდა ჩვენს ურთიერთობას და ძმობას არ შეეფერება," - ასე მიმართა შინაგან საქმეთა მინისტრმა გიორგი გახარიამ პანკისელებს.
"ახლა ყველა უნდა გავჩერდეთ, დავწყნარდეთ, დავმშვიდდეთ, უნდა გავარკვიოთ, რა შეგვშალა, ვის შეგვეშალა, ვინ არის დამნაშავე. ახლა ვჩერდებით და ვაგრძელებთ ლაპარაკს. თუ ვინმე გადავიდა და კანონი დაარღვია, ეს ცალკე სალაპარაკოა.
ამ ჰესს რაც შეეხება, ჰესის მშენებლები გააგრძელებენ თქვენთან ლაპარაკს. ის, რაზეც შეთანხმდება ადგილობრივი მოსახლეობა, ის გადაწყვეტილება იქნება მიღებული. ოღონდ, ერთი რამ უნდა იცოდეთ, რომ ქვების სროლა გამოსავალი არ არის. ამიტომ უნდა დავმშვიდდეთ და გავაკეთოთ ის, რაც ჩვენს ძმობას, ჩვენს მეგობრობას და საუკუნოვან ისტორიას შეეფერება. ჰესის თემა გადავდეთ და შევთანხმდით ასეთ რაღაცაზე, რომ ჰესი, 90 პროცენტი მოსახლეობა რომ დაუჭერს მხარს, მაშინ აშენდება.
ჰესის გამო აქ არ ამოვსულვარ, ამოვედი იმიტომ, რომ ქვები ესროლეთ ფორმიან ადამიანებს",- აღნიშნა გახარიამ.
