მე აბსოლუტურად დარწმუნებული ვარ, რომ სახელმწიფომ იქ, სადაც საჭიროა, სერიოზული სიხისტე უნდა გამოიჩინოს, - აცხადებს ექსპერტი ენერგეტიკის საკითხებში გია არაბიძე პანკისის ხეობაში მიმდინარე პროცესებთან დაკავშირებით.

„მე აბსოლუტურად დარწმუნებული ვარ, რომ სახელმწიფომ იქ, სადაც საჭიროა, სერიოზული სიხისტე უნდა გამოიჩინოს. არა მგონია, რომ ცოტა იყოს პროცენტი იმ ხალხის გამოსვლებში, რომელიც რაღაც კერძო გამოსავალს ელის ამ პროექტებიდან. ხშირად მომისმენია, რომ არის ჩემი მამაპაპისეული მიწა და ამდენი მეკუთვნის, იმდენი მეკუთვნის. თუ სახელმწიფი მიიღებს მხედველობაში და იტყვის, რომ ეს სახელმწიფოებრივი პროექტია, კეთილი უნდა ვინებოთ და მოვახერხოთ, რომ დავემორჩილოთ სახელმწიფო ინტერესს. ცოტა უფრო მკვეთრად უნდა მოიკიდოს სახელმწიფომ ხელი იმ პროექტების დაცვას, რომელიც სახელმწიფოსთვისაც აუცილებელია. ძალიან სერიოზული მუშაობაა საჭირო მოსახლეობასთან.

კონკრეტულად თითოეულ ოჯახთან უნდა მივიდეს ამ პროექტის შესრულების შედეგად, რა სიკეთეებიც ქვეყანას, სახელმწიფოს აქვს, რეგიონს და თითოეულ ამ პიროვნებას. ეს ინფორმაციები თუ მივა და პროექტი იქნება გარემოს დაცვის თვალსაზირისით გამართული და შეკითხვები არ იქნება, ჩვენ შეგვიძლია უფრო იოლად ვაშენოთ ყოველგვარი პრობლემის გარეშე სადგურები“, - ამბობს არაბიძე