საქართველოს მესამე პრეზიდენტი მიხეილ სააკაშვილი საქართველოს ხელისუფლერბას მიმარტავს და მოუწოდებს, რომ ორჯერ დაფიქრდნენ მანამ, სანამ პანკისის ხეობაში ძალას გამოიყენებენ.
„ამ ხეობაში ცხოვრობს განსაკუთრებუალდ თბილი, პატრიოტი და მშრომელი ხალხი. მე ძალიან ბევრი მეგობარი მყავდა და მყავს მანდ. ვიცნობ იქაურობას და ეს ხალხი მთლიანობაში იმსახურებს ძალიან დიდ პატივისცემას და სათუთ მოპყრობას.
ამ ხალხმა თავისი პატრიოტიზმით შეუნარჩუნა ეს ხეობა ყველაზე რთულ პერიოდში საქართველოს და ამგვარად, მათი მოთხოვნა, რომ ჰესი იქ სადაც შენდება, არ აშენდეს, არის მთლიანად სამართლიანი, იმიტომ, რომ ეს ჰესი უქმნის მათ სასიკვდილო საფრთხეს მათ ჰაბიტატს, მათ საცხოვრებელ გარემოს, მათ ეკონომიკურ პერსპექტივებს. მე მინდა ვუთხრა საქართველოს ხელისუფლებას, ორჯერ დაფიქრდით მანამ სანამ მანდ გამოიყენებდეთ ძალას, გააგზავნიდეთ სპეცრაზმს, რომელსაც მისცემთ ინსტრუქციას, რომ გადაუაროს ადგილობრივ მაცხოვრებლებს“, - თქვა სააკაშვილმა ვიდეომიმართვაში.
