უზენაესი სასამართლოს დაკომპლექტების შესახებ უმრავლესობის მიერ მომზადებული კანონპროექტის განხილვა იურიდიულ კომიტეტში, ხმაურის ფონზე მიმდინარეობდა. 7-საათიანი განხილვის შემდეგ, კომიტეტმა მეორე მოსმენით კანონპროექტს მხარი დაუჭირა.
მმართველი გუნდის გადაწყვეტილებას უკვე მოჰყვა მწვავე კრიტიკა ოპოზიციის მხრიდან. „ევროპული საქართველოს“ წევრიs, ოთარ კახიძის განცხადებით, "ქართული ოცნება" მურუსიძის სასამართლოს დაკანონების ეტაპზეა.
„ქართული ოცნება" არის დღეს მურუსიძის სასამართლოს დაკანონების ეტაპზე. მათ სურთ რომ უზენაესი სასამართლო საბოლოოდ გადაუფორმონ მურუსიძის კლანს, რომელიც ერთგულად და მორჩილად შეასრულებს ივანიშვილის მითითებებს. ეს არის მთავარი საკითხი და ამას ცდილობს "ქართული ოცნების" უმრავლესობა, რომ სამართლიანი და დამოუკიდებელი სასამართლო კი არ შესთავაზოს საზოგადოებას, არამედ ივანიშვილზე დამოკიდებული სასამართლო, რომელიც ნებისმიერი დაკვეთას არჩევნებთან დაკავშირებით, მედიასთან დაკავშირებით, პოლიტიკურ ოპონენტებთან დაკავშირებით, კორუფციასთან დაკავშირებით ამ დაკვეთებს შეუსრულებს“, - განაცხადა ოთარ კახიძემ.