პერუს ყოფილმა პრეზიდენტმა ალან გარსიამ მისი დაკავებისას თავი მოიკლა. პოლიციამ მას ბრალი საკუთარ სახლში ქრთამის აღებისთვის წაუყენა.
ყოფილი პრეზიდენტი დაუყოვნებლივ გადაიყვანეს ლიმას ერთ-ერთ ჰოსპიტალში, თუმცა მისი გადარჩენა ვერ მოხერხდა.
უამრავმა ადამიანმა მოიყარა თავი საავადმყოფოსთან.
ალან გარსია დადანაშაულებული იყო ერთ-ერთი სამშენებლო კომპანიისგან ქრთამის აღებაში.
პერუს შინაგან საქმეთა მინისტრის განცხადებით, როდესაც პოლიცია გარსიას დასაკავებლად მის სახლში მივიდა, ყოფილმა პრეზიდენტმა ითხოვა, რომ სატელეფონო ზარს განახორციელებდა და ოთახში ჩაიკეტა. სწორედ იქ მოხდა გასროლა.
გასროლის შემდეგ პოლიციელებმა კარი შეამტვრიეს და ყოფილი პრეზიდენტი სავარძელში გარდაცვლილი აღმოაჩინეს.