ხვალ, 17 სექტემბერს, 12:00 სთ-ზე, სასტუმრო "შერატონ მეტეხი პალასში" საერთაშორისო საფინანსო კორპორაციის საგადასახადო პროექტის პრეზენტაცია გაიმართება.
საერთაშორისო საფინანსო კორპორაციამ, ნიდერლანდების მთავრობასთან თანამშრომლობით, ახალი საკონსულტაციო პროექტი დაიწყო, რომლის მიზანია საქართველოს მიკრო, მცირე და საშუალო საწარმოების საგადასახადო რეფორმის პროცესში დაეხმაროს.
კორპორაციის ინფორმაციით, ეს რეფორმები ხელს შეუწყობს ქართული კომპანიებისთვის საგადასახადო ტვირთის შემცირებას და გააუმჯობესებს მათ საქმიანობას.
პრეზენტაციას დაესწრებიან ფინანსთა მინისტრი კახა ბაინდურაშვილი, IFC საინვესტიციო გარემოს გაუმჯებესების პროგრამის მენეჯერი ევროპასა და ცენტრალურ აზიაში ლიზა კესნერი, IFC გლობალური საგადასახადო ჯგუფის მენეჯერი რიჩარდ შტერნი, ასევე საქართველოს მთავრობის, დონორი ორგანიზაციების, ბიზნეს-ასოციაციებისა და არასამთავრობო ორგანიზაციების წარმომადგენლები.