ენგურჰესის სარეაბილიტაციო სამუშაოების II ეტაპი, რომელიც ჰიდროელექტროსადგურის პირველი და მე-5 აგრეგატების სრულ რეაბილიტაციას უახლოეს ხანებში დაიწყება.
"საწარმოთა მართვის საგენტოს" ინფორმაციით, აღნიშნული აგრეგატები დიდი ხანია ავარიულ მდგომარეობაშია და ვერ უზრუნველყოფს ენგურჰესის მიერ დამუშავებული წყლის უსაფრთხოდ გატარებას. სარეაბილიტაციო სამუშაოების შედეგად კი მოხდება აგრეგატების სრული შეკეთება და თანამედროვე სისტემაზე გადაყვანა, რაც ხელს შეუწყობს ენგურჰესის სრული დატვირთვით მუშაობას. შემოდინებული წყალი მთლიანად იქნება დამუშავებული და ჰესის მუშაობა კი მაქსიმალურად საიმედო.
სამუშაოების საპროექტო ღირებულება, საერთაშორისო საინჟინრო ზედამხედველობის ჩათვლით, შეადგენს 20 მილიონ ევროს, რაზეც საქართველოს მთავრობამ და შპს "ენგურჰესმა" უკვე გააფორმეს საკრედიტო და საპროექტო ხელშეკრულებები ევროპის რეკონსტრუქციისა და განვითარების ბანკთან.
სარემონტო სამუშაოებს შეასრულებს გერმანული კომპანია Voith Hydro, რომელმაც 2004-2009 წლებში უკვე წარმატებით განახორციელა დანარჩენი სამი აგრეგატის რეაბილიტაცია.
პირველი აგრეგატისთვის ახალი დანადგარ-მოწყობილობების მოწოდება, სამონტაჟო სამუშაოების დასრულება და ექსპლუატაციაში გაშვება იგეგმება 2012 წლის მარტისთვის, ხოლო ბოლო Nმე-5 აგრეგატის დასრულება და ექსპლუატაციაში გაშვება - 2013 წლის მაისისთვის.
აღნიშნული სამუშაოების დასაფინანსებლად მზადყოფნა გამოხატეს ევროპის საინვესტიციო ბანკმა და ევროკავშირის კომისიამ, რომლებთანაც საფინანსო-საგრანტო ხელშეკრულებების გაფორმება, მიმდინარე წლის სექტემბერ-ოქტომბერში იგეგება.