აუქციონის პირობების თანახმად, მყიდველი ვალდებულია 30 თვის განმავლობაში არანაკლებ 2 მლნ. 175 ათასი აშშ დოლარის ინვესტიცია შემდეგი გრაფიკის მიხედვით განხორციელოს - ყოველ 6 თვიან პერიოდში არანაკლებ 435 ათასი აშშ დოლარი (ერთ საწოლზე-არანაკლებ 15 ათასი აშშ დოლარი.

იმავდროულად, "ჯანმრთელობა 2010"-ის ახალი მეპატრონე ვალდებული იქნება ხარაგაულში (15 საწოლი); გუდაურში (15 საწოლი); ლანჩუხუთში (25 საწოლი); ჩოხატაურში (15 საწოლი); დედოფლისწყაროში (15 საწოლი); ქარელში (15 საწოლი); ვანში (15 საწოლი); ასპინძაში (15 საწოლი); ლენტეხში (15 საწოლი) ზოგადი პროფილის საავადმყოფოების აშენება ან რეკონსტრუქცია განახორციელოს.

იმავდროულად ახალი მეპატრონე ვალდებულებას იღებს, რომ ახლადშექმნილი საავადმყოფოებს არანაკლებ 7 წლის განმავლობაში სამედიცინო პროფილს შეუნარჩუნებს.

მავდროულად სახელმწიფოსთან შესაბამისი ხელშეკრულების გაფორმებიდან 1 თვის ვადაში საინვესტიციო ვალდებულების არანაკლებ 7.45%-ის ოდენობის უპირობო და გამოუხმობადი საბანკო გარანტიის /ბეს წარმოდგენა, რომლის ვადაც არანაკლებ 2 თვით უნდა აღემატებოდეს საინვესტიციო ვალდებულების შესრულების ვადას.

საბანკო გარანტიის წარმოდგენის შემთხვევაში, ასეთი საბანკო გარანტია იქნება კლებადი, ე.ი. საბანკო გარანტიით განსაზღვრული თანხის ოდენობა შემცირდება ყოველ 6 თვეში ერთხელ, მყიდველის მიერ ამ ექვსთვიან პერიოდში ფაქტობრივად განხორციელებული ინვესტიციის ოდენობის პროპორციულად.

საპრივატიზაციო პირობების თანახმად, მფლობელი ვადებულია ახალი საავადმყოფოების ამოქმედებამდე შპს "ჯანმრთელობა 2010"-ის საკუთრებაში არსებულ უძრავ ქონებებში განთავსებული სამედიცინო სერვისები უწყვეტად შეინარჩუნოს. ასევე მფლოფელი ვალდებულია შპს "ჯანმრთელობა 2010"-ის საკუთრებაში არსებულ უძრავ ქონებებში განთავსებული სასწრაფო სამედიცინო დახმარების სამსახური "03"-ს შეუნარჩუნოს ან უზრუნველყოს ალტერნატიული ფართით. ახლადშექმნილი საავადმყოფო(ები)ს ამოქმედების შემდგომ მისთვის ალტერნატიული ფართობის უსასყიდლოდ გამოყოფა შეუფერხებელი ფუნქციონირების მიზნით, იმავე დასახლებული პუნქტის ფარგლებში.