ხვალ, 16 სექტემბერს, ბიზნესისა და საკანონმდებლო ორგანოს წარმომადგენლები ახალი საგადასახადო კოდექსის პროეტზე საფინანსო-საბიუჯეტო კომიტეტის სხდომაზე იმსჯელებენ. როგორც სააგენტო "ჯი-ეიჩ-ენს" საქართველოს ბიზნესასოციაციაში განუცხადეს, კომიტეტის სხდომაზე კერძო სექტორის წარმომადგენლებიც არიან მიწვეულნი და საბაოლოოდ გარიკვევა, რა ცვლილებები შეიტანა ფინანსთა სამინისტრომ ახალი საგადასახადო კოდექსის პროექტში.
შეგახსენებთ, რომ ბიუროს სხდომის მიერ დამტკიცებული დღისწესრიგის მიხედვით, ახალ საგადასახადო კოდექსს მესამე მოსმენით დამტკიცება 17 სეტემბერისთვისაა დაგეგმილი.
პარლამენტის საფინანსო-საბიუჯეტო კომიტეტის თავმჯდომარის ზურაბ მელიქიშვილის განმარტებით, მთელი ზაფულის განმავლობაში აქტიურად მიმდინარეობდა მუშაობა ბიზნესსექტორის წარმომადგენლებთან. იგი აცხადებს, რომ ყველა სადავო საკითხი მოგვარებულია.
მისი თქმით, აუცილებელია, საგადასახადო კოდექსი მესამე მოსმენით საბოლოოდ დროულად იქნას მიღებული, რათა საზოგადოებას ცვლილებების შესახებ ინფორმაციის მიღება დროულად შეეძლოს.
შეგახსენებთ, რომ ახალი საგადასახადო კოდექსის ძირითადი ნაწილი 1-ლი იანვრიდან ამოქმედდება. მცირე ნაწილი კი ძალაში 1-ლი სექტემბრიდან შევიდა. რაც შეეხება ახალ საგადასახადო კოდექსს, მეორე მოსმენისას 20-მდე საკითხი დარჩა ღიად და როგორც მელიქიშვილი განმარტავს, ეს საკითხები უკვე შეჯერებულია. შესაბამისად, პარასკევის სესიაზე კენჭიყრაზე ჯერ ეს საკითხები დადგება და შემდეგ კანონპროექტს მესამე მოსმენით ერთიანად ეყრება კენჭი