გაეროს ახალგაზრდული ასამბლეის წევრები აჭარის ფინანსთა და ეკონომიკის სამინისტროს ეწვიენ.
ახალგაზრდებს აჭარის ფინანსთა და ეკონომიკის მინისტრი ჯაბა ფუტკარაძე პირველ მოადგილესთან თორნიკე კუჭავასთან ერთად შეხვდა.
საუბარი უწყების საქმიანობას, მიმდინარე და დაგეგმილ პროექტებს, აჭარის ეკონომიკურ განვითარებას, საინვესტიციო პოტენციალს და სხვა მნიშვნელოვან საკითხებს შეეხო.
შეხვედრა კითხვა-პასუხის რეჟიმში 1 საათის განმავლობაში მიმდინარეობდა. ასამბლეის წევრებმა მათთვის საინტერესო შეკითხვებზე ინფორმაცია მიიღეს.
გაეროს ახალგაზრდული ასამბლეაში დელეგატის სტატუსით საქართველოს თითქმის ყველა რეგიონის ათასამდე მოსწავლე-ახალგაზრდაა ჩართული.
პროექტის ფარგლებში ახალგაზრდა დელეგატები გაეროს მდგრადი განვითარების მიზნების თემატიკაზე სესიებს დაესწრებიან. ისინი ასევე აჭარის სამთავრობო უწყებებს, საერთაშორისო ორგანიზაციებს და დიპლომატიურ ორგანიზაციებს ეწვევიან და მათი მუშაობის პრინციპებს გაეცნობიან.