ევროკომისიამ Google-ი კონტექსტური სარეკლამო სერვისის გამო 1.49 მილიარდი ევროთი დააჯარიმა. ამის შესახებ ინფორმაციას BBC ავრცელებს.
ევროკომისარ მარგრეტ ვესტაგერის განცხადებით, კომპანიამ ონლაინ რეკლამის განთავსების ანტიმონოპოლიური კანონი დაარღვია. ევროკომისარმა აღნიშნა, რომ Google-ის წინააღმდეგ, ევროკომისიის ანტიმონოპოლიური გამოძიება 2006-2016 წლების პერიოდს მოიცავს. ევროკომისიის განცხადებით, Google-მა საძიებო სისტემაში კონკურენტები დაბლოკა.
2006 წელს Google- მა Microsoft-სა და Yahoo-თან "ექსკლუზიური დებულების", კონტრაქტები გააფორმა, რომელიც კონტრაქტორ ფორმებს რეკლამის განთავსებას უფლებას ართმევდა.
ევროკავშირმა Google-ს მესამედ დაუწესა ჯარიმა. 2018 წელს კომპანია 4.34 მილიარდი ევროთი, 2017 წელს კი 2.4 მილიარდი ევროთი დააჯარიმა.