ალმასებით მოვაჭრე ინდოელი მილიარდერი 2 მილიარდის მოპარვისთვის ლონდონში დააკავეს. ნარივ მოდის თაღლითობასა და 2 მილიარდი დოლარის გათეთრებაში ბრალი ედება. ლონდონის პოლიციის განმარტებით, ბრალდებული ინდოელი სპეცსამსახურების მოთხოვნით დააკავეს. ამ ეტაპზე მიმდინარეობს მისი ექსტრადირების პროცედურები. ბრალდებული დანაშაულს არ აღიარებს.
პუნჯაბის ნაციონალური ბანკის განცხადებით, ბრალდებული 2 მილიარდი დოლარის გათეთრების სქემაში მთავარი ეჭვმიტანილია. ბანკის განცხადებით, ეჭვმიტანილი იყენებდა ყალბ საგარანტიო წერილებსა და მინდობილობებს, რომლებსაც პუნჯაბის ბანკის თანამშრომლები გასცემდნენ.
ნარივ მოდი, ჟურნალ ფორბსის, 2017 წლის უმდიდრეს ადამიანთა სიის მიხედვით, ინდოეთში 85-ე ადგილზეა. მისი აქტივები 1,75 მილიარდ დოლარს შეადგენს.
მოდი 2010 წლიდან ბრილიანტების ყიდივა-გაყიდვის საკუთარი პლატფორმა აქვს. ბრილიანტების დიზაინერს მაღაზიები გახსნილი აქვს ინდოეთში, ნიუ-იორკში, ლონდონსა და ჰონგ კონგში. სკანდალური ფაქტის გამოაშკარავებიდან, დიზაინერის ყველა აქტივი, ინდოეთის ფედერალურმა ბანკმა გაიყინა.
სხვადასხვა დროს, მის ბრილიანტებს ატარებდნენ ქეით უინსლეტი, როუზი ჰანთინგტონი, ნაომი ვოტსი და პრიანკა ჩოპრა.