რიო-დე-ჟანეიროს მიმდებარე ტერიტორიაზე, ურანით სავსე სატვირთოს, რომელსაც პოლიციის ესკორტი აცილებდა, ცეცხლი გაუხსნეს. პოლიციის ესკორტმა თავდამსხმელებს საპასუხო ცეცხლი გაუხსნა. სროლისას არავინ დაშავებულა.
20 წუთის შემდეგ სატვირთომ დაუზიანებლად მიაღწია დანიშნულების პუნქტამდე.
სატვირთოს, ატომური სადგური Angra 1- დან Angra 2- ში, ურანით გაჯერებული საწვავი გადაჰქონდა.
„სატვირთო კონტეინერებით ურანის ტრანსპორტირება ბუნებრივი მდგომარეობით ხდებოდა. დაზიანების შემთხვევაში, ის არ იქნებოდა ისეთი რადიოაქტიური, როგორც ეს დამუშავების საწყის ეტაპზე“, - განაცხადეს ბრაზილიის ატომურ ელექტროსადგურში.
აღსანიშნავია, რომ ბოლო წლებში, ბრაზილიის ამ რაიონში გახშირდა თავდასხმები.
