აჭარაში რელიგიის საკითხთა სახელმწიფო სააგენტოს წარმომადგენლობა იწყებს ფუნქციონირებას.
აჭარის მთავრობის წევრებს და სხვადასხვა რელიგიური ორგანიზაციების წარმომადგენლებს, რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ, აჭარაში სააგენტოს წარმომადგენელი აბესალომ ასლანიძე წარუდგინა.
ზაზა ვაშაყმაძის განმარტებით, რეგიონული ოფისი იქნება რელიგიური ორგანიზაციებისა და ადგილობრივი ხელისუფლების წარმომადგენლებთან უკეთესი კოორდინაციისა და ჩართულობის საშუალება.
რელიგიის საკითხთა სახელმწიფო სააგენტოს წარმომადგენლობა სამ რეგიონში - აჭარაში, ქვემო ქართლსა და სამცხე-ჯავახათეში იმუშავებს.