ბათუმში აგრომარკეტინგის საკითხებში ორდღიანი სემინარი დაიწყო. სემინარს ამერიკიდან ჩამოსული ექსპერტები აჭარის სოფლის მეურნეობის სამინისტროს თანამშრომლებსა და რეგიონში მოქმედ აგროსამრეწველო სექტორის წარმომადგენლებს ჩაუტარებენ.
ტრეინინგების მეშვეობით მონაწილეებს საშუალება ექნებათ, გაეცნონ მარკეტინგის ზოგად პრინციპებს, მარკეტინგული სტრატეგიული მიმართულებების შემუშავებასა და დანერგვას, ბაზრის კვლევასა და თანამედროვე ქსელური მარკეტინგის გამოყენების პრინციპებს.
ტრეინინგის მიზანია გააცნოს მონაწილეებს თანამედროვე საინფორმაციო ტექნოლოგიების გამოყენების უპირატესობა საკუთარი ბიზნესის უკეთ მართვისა და პროდუქციის რეალიზაციის გაზრდის მიზნით.