საქმეს მიხედეთ, საქმეს და ნუ იქნებით ივანიშვილის სასარგებლო იდიოტები, - ასე ეხმიანება საქართველოს ყოფილი პრეზიდენტი მიხეილ სააკაშვილი მის მიერ გამოქვეყნებული ტესტის შესახებ რეაქციებს.
„საქმეს მიხედეთ, საქმეს და ნუ იქნებით ივანიშვილის სასარგებლო იდიოტები. თქვენისთანა ხალხზე დგას დღეს ჯერჯერობით ივანიშვილი, იმიტომ რომ ჯარი მაგას არ ჰყავს, პოლიცია მაგას არ ჰყავს, პოლიტიკოსები მაგას არ დარჩა, ერთადერთი დგას იმაზე, რომ თქვენ აღვივებთ აპათიას და ეუბნებით რომ ყველა ერთნაირი ნაგავია და რა აზრი აქვს რამეს. ყველაფერს აქვს აზრი, ბრძოლას ყოველთვის აქვს აზრი და ჩვენ ვიამაყებთ ქართველობით, ვიამაყებთ ქართული სახელმწიფოთი, მრავალეთნიკური საზოგადოებით, ჩვენი წარმატებებით, ჩვენ აუცილებლად ავაშენებთ ლაზიკის პორტს და ჩვენ აუცილებლად დავიძვრენთ თავს ამ გაჭირვებიდან და უბედურებიდან”, - თქვა სააკაშვილმა.