საქართველოს პრეზიდენტი სალომე ზურაბიშვილი საფრანგეთში სამუშაო ვიზიტისას საფრანგეთის პრეზიდენტს ემანუელ მაკრონს შეხვდება. ამის შესახებ პრეზიდენტის პრესპიკერმა, ხატია მოისწრაფიშვილმა განაცხადა.
გარდა ამისა, ვიზიტის ფარგლებში სალომე ზურაბიშვილი იუნესკოს თავმჯდომარესა და ქართველ სტუდენტებს შეხვდება.
პრეზიდენტის პარიზში ვიზიტი 17-დან 19 თებერვლამდე გასტანს. პრეზიდენტის ვიზიტთან დაკავშირებით, მთავრობამ შესაბამისი განკარგულება სამუშაო ვიზიტზე თანხმობის მიცემის შესახებ გამოსცა.
განკარგულების თანახმად, პრეზიდენტის ვიზიტი ნატოსა და ევროკავშირთან ურთიერთობების გაღრმავების საკითხს უკავშირდება.