საჯარო სკოლების ნაწილმა გრიპის ვირუსთან დაკავშირებით სადეზინფექციო სამუშაოები დაიწყო.
64-ე საჯარო სკოლის დირექტორის, თამარ მამსიკაშვილის განცხადებით, სადეზინფექციო ხსნარებით ყოველდღიურად სველი წესით მუშავდება, როგორც ოთახები და დერეფნები, ასევე სასკოლო ინვენტარი.
„გრიპის ვირუსის პრევენციის მიზნით გაიცა რეკომენდაციები სამინისტროს მხრიდან, რომელსაც ვახორციელებთ. ეს არის დამატებით სადეზინფექციო სამუშაოების ჩატარება სკოლებში, რომელიც ერთხელ უკვე ჩავატარეთ. დაგეგმილი გვაქვს სასწავლო პროცესის დაწყებამდეც. სადეზინფექციო ხსნარებით ყოველდღიურად სველი წესით მუშავდება, როგორც ოთახები და დერეფნები, ასევე სასკოლო ინვენტარი. ეს სწავლის დაწყების შემდეგაც გაგრძელდება“, - განაცხადა თამარ მამსიკაშვილმა.
