ჩვეულებრივი სემინარია, რომელზეც მე არავის მივუწვევივარ და არც მგონია, რომ ჩემი იქ ყოფნა აქტუალური იყოს, - ამის შესახებ საპარლამენტო უმრავლესობის წევრმა გედევან ფოფხაძემ მმართველი გუნდის სამუშაო შეხვედრასთან დაკავშირებით განაცხადა, რომელიც კაჭრეთში მიმდინარეობს.
როგორც ფოფხაძემ "ტვ პირველის" ეთერში აღნიშნა, კაჭრეთში არის სამუშაო სემინარი და არანაირი განსაკუთრებული პოლიტიკური დატვირთვა ამას არ აქვს.
"არ მგონია, რომ ეს სემინარი იყოს პოლიტიკურად მნიშვნელოვანი. მე არ ვიცი რა შემადგენლობით იმყოფებიან კაჭრეთში და არ მგონია, რომ მაინცდამაინც პოლიტიკურ საკითხებთან იყოს დაკავშირებული. სასამართლოსთან დაკავშირებულ საკითხებზე ყველას გვაქვს ჩვენი აზრი, ამიტომ მოვხვდებით სემინარზე, თუ არა, ეს არ არის რაიმეს განმსაზღვრელი", - განაცხადა ფოფხაძემ.
