დიდი ბრიტანეთის პარლამენტში ბრექსიტის შეთანხმების კენჭისყრა 14-15 იანვარს გაიმართება. აღნიშნულთან დაკავშირებით განცხადება დიდი ბრიტანეთის პრემიერ მინისტრმა ტერეზა მეიმ გააკეთა.
ტერეზა მეიმ კომენტარი გააკეთა ასევე, დიდი ბრიტანეთის ევროკავშირიდან გასვლის შესახებ ხელახალი რეფერენდუმის ჩატარების თაობაზე და განაცხადა, რომ ის მხარს არ უჭერს რეფერენდუმის ჩატარებას, რადგან ამან შეიძლება საზოგადოების დაყოფა გამოიწვიოს.
„მიმაჩნია, რომ ხელახალი რეფერენდუმის ჩატარება იქნება იმ მოქალაქეებისთვის უპატივცემლობის გამოცხადება, რომლებმაც ქვეყნის ევროკავშირიდან გასვლას უკვე მხარი დაუჭირეს“, - განაცხადა ტერეზა მეიმ.
შეგახსენებთ, რომ დიდი ბრიტანეთის პრემიერ-მინისტრმა ტერეზა მეიმ პარლამენტში 11 დეკემბერს დაგეგმილი კენჭისყრა Brexit-ის შეთანხმების შესახებ გადადო.
