არ არის გამორიცხული, რომ ამ დაპირისპირებამ "ქართული ოცნების" მონოლითურობის დაშლას დაუდოს საფუძველი, - ამის შესახებ საპარლამენტო "ნაციონალური მოძრაობის" წევრმა რომან გოცირიძემ უმრავლესობაში არსებულ დაპირისპირებასთან დაკავშირებით განაცხადა.
მისი თქმით, ეს განხეთქილება რეალურად ნიშნავს "ქართული ოცნების" ძალიან სერიოზულ პრობლემას.
„როგორი ლეგენდაც არ უნდა შეთხზან, რომელიც იქნება უფრო ლამაზი და უფრო მომგებიანი ამა თუ იმ მხარისათვის, ერთს ვერავინ ვერ აუვლის გვერდს - ეს არის მოსამართლეების საკითხი. ამ მოსამართლეების მხარდამჭერები ფაქტიურად ასრულებენ ივანიშვილისა და ხელისუფლების დავალებას, რომ სასამართლო კორპუსი კვლავ იყოს მორჩილებაში და იგი ემსახუროს ერთ პარტიას, ერთ ადამიანს. ეს განხეთქილება რეალურად ნიშნავს "ქართული ოცნების" ძალიან სერიოზულ პრობლემას და არ არის გამორიცხული, რომ მან საფუძველი დაუდოს "ქართული ოცნების" ამ მონოლითურობის დაშლას“, - განაცხადა რომან გოცირიძემ.
