საბანკო სექტორი ერთადერთი სექტორია საქართველოში, რომელიც აბსოლუტურად გამჭვირვალეა, - ეროვნული ბანკის პრეზიდენტი სექტორის მიმართ მძაფრ კრიტიკას ინფორმაციის ხელისაწვდომობით ხსნის.
მთავარმა ბანკირმა ჟურნალისტებთან საფინანსო სექტორში არსებულ მაღალ ხელფასებზე გააკეთა კომენტარი, აღნიშნა, რომ ბაზელ III -ის დანერგვით ბანკების TOP - მენეჯერების ხელფასებზე ინფორმაცია ღია და ყველას აქვს შესაძლებლობა ანალიზი გააკეთოს.
„ არცერთ სხვა სექტორზე ასეთი ინფორმაცია არ მოიპოვება და ამის გამო ხშირად ხდება კრიტიკის ობიექტი. ამიტომ მოვუწოდებ სხვა სექტორებს ეცადონ ამ მიმართულებით წავიდნენ და გამჭვირვალე გახადონ სისტემა“, - აღნიშნა გვენეტაძემ.
აღსანიშნავია, რომ საფინანსო სექტორი საქართველოში ყველაზე მაღალანაზღაურებად სექტორია. საქსტატის მონაცემებით, ამ სექტორში საშუალო ხელფასი 3800 ლარს აღემატება.