გორში 14 წლის წინ გორში დაკარგული 11 წლის მოზარდის ცხედრის სამძებრო სამუშაოები მიმდინარეობს. ინფორმაციას ტელეკომპანია რუსთავი 2 ავრცელებს.
გორის ცენტრში, კულტურისა და დასვენების პარკში გადაკეტილია პერიმეტრი, კრიმინალისტებს რამდენიმე ადგილი სპეციალური დროშებით აქვთ მონიშნული. ისინი ძებნის ოპერაციას სპეციალური აპარატურის მეშვეობით ატარებენ.
საუბარია ზაქრო ბერძნიშვილზე, რომელიც მოზარდის ოჯახის ინფორმაციით, 8 წლის გოგონას მკვლელობაში ბრალდებულმა იაგო ნებიერიძემ გაიტაცა. ნებიერიძე გამოსასყიდის მოთხოვნის ბრალდებით სასჯელსაც იხდიდა. მას ბავშვის გატაცება და მკვლელობა ვერ დაუდასტურდა, თუმცა დაკარგული მოზარდის ოჯახს მუდმივად ჰქონდა ეჭვი, რომ ბავშვის გამტაცებელი და მკვლელი ნებიერიძე იყო.
შეგხსენებთ, რომ წარსულში ნასამართლევი,1984 წელს დაბადებული იაგო ნებიერიძე, დამამძიმებელ გარემოებაში ჩადენილი განზრახ მკვლელობის ბრალდებით, გორში, ცხელ კვალზე დააკავეს. გამოძიება წინასწარი შეცნობით არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის ფაქტზე, საქართველოს სსკ-ს 109-ე მუხლის მე-2 ნაწილის „ბ“ ქვეპუნქტით მიმდინარეობს. ცხრა წლის გოგონა გორში, მდინარე ლიახვის ნაპირზე 25 ოქტომბერს საღამოს მოკლული იპოვეს. ბავშვს ოჯახი გუშინ დღის მეორე ნახევრიდან ეძებდა.
