სოტბის აუქციონზე, რომელიც ჟენევაში გაიმართა, საფრანგეთის დედოფლის მარიამ ანტუანეტას სამკაულები გაიყიდა. აუქციონზე მთლიანობაში დედოფლის 10 სხვადასხვა სამკაული გამოიტანეს.
ყველაზე ძვირად, 36 მლნ აშშ დოლარად გაიყიდა მარგალიტის ყელსაბამი, რომელსაც ბრილიანტის შესაკრავი ამშვენებდა. როგორც აუქციონის წარმომადგენლები ამბობენ ეს არის რეკორდული თანხა, რაც კი ოდესმე გადაუხდიათ მარგალიტის სამკაულში.
მარგალიტის ყელსაბამმა ელიზაბეტ ტეილორის კუთვნილი მარგალიტების სამაჯურის რეკორდი მოხსნა, რომელიც 11.8 მლნ დოლარად გაიყიდა სოტბის აუქციონზე, 2011 წელს.
აუქციონზე გასაყიდად გამოტანილი იყო ასევე მარია ანტუანეტას ბეჭედი, დედოფლის მონოგრამით, ბრილიანტის გულსაკიდი, ბრილიანტების ტიარა და სხვა. მთლიანი კოლექციის ღირებულებამ 53 მლნ გირვანქა სტერლინგი შეადგინა.
დედოფალ მარია ანტუანეტას სამკაულები 200 წლის განმავლობაში კერძო კოლექციონართან, ბურბონ-პარმას ოჯახში ინახებოდა.
მარია ანტუანეტა 1789 წლის საფრანგეთის რევოლუციის დროს ტახტიდან ჩამოაგდეს, ხოლო 1793 წელს სიკვდილით დასაჯეს.
ფოტო: BBC