19 ნოემბერს დაგეგმილ საქართველო-ყაზახეთის საფეხბურთო ნაკრებების მატჩზე ბილეთის ფასი 1 ლარი იქნება. შეხვედრას დინამო არენა მასპინძლობს.
საქართველოს ფეხბურთის ფედერაციის ინიციატივით, წლის ბოლო ოფიციალური მატჩის - საქართველოსა და ყაზახეთის შეხვედრის ყველა ბილეთი, სიმბოლურად, მხოლოდ 1 ლარი ეღირება.
როგორც ფედერაციაში განმარტავენ, აღნიშნული აქციის მიზანია, მადლობა გადავუხადოთ ფეხბურთის ყველა გულშემატკივარს საქართველოს ეროვნული საფეხბურთო ნაკრების გამორჩეული ქომაგობისთვის.
„ჩვენი ნაკრების წარმატება უპირველესად ეკუთვნით გულშემატკივრებს, რომლებმაც განსაკუთრებული როლი ითამაშეს ჩვენი გუნდისთვის და ქართული ფეხბურთისათვის ძალიან მნიშვნელოვან ეტაპზე”, აცხადებენ საქართველოს ფეხბურთის ფედერაციაში.