ვერც მიხეილ სააკაშვილი და „ნაციონალური მოძრაობის“ ვერც სხვა ლიდერი სტუმარ-მასპინძლობის იდეას ვერ დააზიანებს, რაც არ უნდა ასეთი შეურაცხმყოფელი და უადგილო განცხადებები გააკეთონ, - ამის შესახებ საპარლამენტო უმრავლესობის ლიდერმა არჩილ თალაკვაძემ ყოფილი პრეზიდენტის, მიხეილ სააკაშვილის განცხადებასთან დაკავშირებით აღნიშნა.
მისი თქმით, მიხეილ სააკაშვილის მიერ გაკეთებული განცხადება საქართველოსთვის დამაზიანებელია, თუმცა ეს არავის გაკვირვებია, რადგან პირველად არ ხდება, როცა მიხეილ სააკაშვილი ამ სახის განცხადებებს აკეთებს.
„სამწუხაროა, რომ საკუთარი პოლიტიკური ინტერესების გამო იმ საერთო სიკეთეს აზიანებს, რაც საქართველოში არის ტურიზმი, სტუმარ-მასპინძლობის იდეა და ჩვენი ქვეყნის გამორჩეული ნაწილი. პირობას გაძლევთ, რომ ამ ქვეყანას ჰყავს და მომავალშიც ეყოლება ღირსეული მასპინძლები და ვერც მიხეილ სააკაშვილი და „ნაციონალური მოძრაობის“ ვერც სხვა ლიდერი სტუმარ-მასპინძლობის იდეას ვერ დააზიანებს, რაც არ უნდა ასეთი შეურაცხმყოფელი და უადგილო განცხადებები გააკეთონ“, – განაცხადა თალაკვაძემ.
ცნობისთვის, მიხეილ სააკაშვილმა განაცხადა, რომ „არ გვჭირდება გაძვალტყავებული ტურისტები, ჯღანები, რომლებიც ჩამოდიან ჩვენს ქვეყანაში, გვჭირდება მდიდარი შეიხები“.