აჭარაში მალე ფქვილის ფასის კლებას მოელიან. როგორც სააგენტო "ჯი-ეიჩ-ენს" საერთაშორისო ინვესტორთა ასოციაციიდან აცნობეს, წისქვილკომბინატები ცდილობენ მოიძიონ ახალი ალტერნატიული ბაზრები და მისაღებ ფასებში შეიძინონ ხორბალი. ასოციაციის ინფორმაციით, შპს "ორცვას" მეპატრონემ ირანელმა ბიზნესმენმა ისმაილ ბაზარანმა ხორბალი ტრაპიზონში ხორბლის ტერმინალ საცავებში შეიძინა, რაც საწარმოს საშუალებას მისცემს არა თუ გაზარდოს ფქვილის ფასი, არამედ უახლოეს დღეებში შეამციროს.
ამჟამად, აჭარაში უმაღლესი ხარისხის 50 კგ-იანი ტომარა ფქვილის ფასი 47-48 ლარში, ხოლო პირველი ხარისხის 45 ლარამდე მერყეობს.
