დღეს, 3 სექტემბერს, საქართველოს ეკონომიკისა და მდგრადი განვითარების სამინისტრო, შიდა წყალსატევებში თევზჭერის ლიცენზიის გაცემის მიზნით აუქციონს გამართავს.
აუქციონი 28 აგვისტოს იყო დაგეგმილი, თუმცა სამინისტრომ ის 3 სექტემბრისათვის გადაიტანა.
გადაწყვეტილების მიზეზად სამინისტროს ასახელებს იმას, რომ აგვისტო იყო არააქტიური თვე და სამინისტრომაც აუქციონის ჩატარებისა და განაცხადების მირების ვადა სექტემბრამდე გადაწია.
აუქციონზე გამოტანილი იქნება 2 ობიექტი: ჯავახეთის ზეგანი ბორჯომისა და ახალქალაქის მუნიციპალიტეტში მდებარე ტაბაწყურის ტბაზე თევზჭერის (ჭაფალა, ხრამული, კობრი) ლიცენზია, საწყისი ფასი 1 665 ლარი; ასევე, ჯავახეთის ზეგანი სამცხე-ჯავახეთში, ნინოწმინდის მუნიციპალიტეტში მდებარე საღამოს ტბაზე თევზჭერის (კარასი, ხრამული, ჭაფალა) ლიცენზია, საწყისი ფასი 1 637 ლარი.
აღნიშნულ ობიექტებზე ლიცენზიის მოქმედების ვადა 20 წლით განისაზღვრება.