ბრიტანეთის პარლამენტის მუშაობაში რობოტი ჩაერთვება. უცხოური მედიის ინფორმაციით, რობოტი Pepper-ი ბრიტანეთის საკანონმდებლო ორგანოს შეკრებას დაესწრება. გავრცელებული ინფორმაციით, რობოტი კომიტეტის სხდომაზე სიტყვით გამოვა, სადაც სამრეწველო რევოლუციაზე იქნება საუბარი.
აღსანიშნავია, რომ Pepper-ი 2014 წელს იაპონურმა კომპანია SoftBank-მა შექმნა. მას ორი HD კამერა, 4 მიკროფონი და მკერდზე სენსორული ეკრანი გააჩნია.