პრეზიდენტობის დამოუკიდებელ კანდიდატ სალომე ზურაბიშვილს ლანჩხუთში აქციით დახვდნენ.
მოქალაქეებს თან ჰქონდათ ტრანსპარენტები წარწერებით - „მოღალატე“, „არც ერთი ხმა მოღალატეს“, „აფხაზეთი ჩვენია, განგრენა შენ ხარ!“
მათი განცხადებით, სალომე ზურაბიშვილის შეხედულებები მოსახლეობისთვის მიუღებელია.
მათივე თქმით, ზურაბიშვილმა კანდიდატურა უნდა მოხსნას.
ცნობისთვის, სალომე ზურაბიშვილი ამომრჩევლებს ლანჩხუთში მდებარე თეატრში შეხვდა, სადაც ელექტროენერგია არ იყო და ამის გამო შეხვედრის ნაწილი ჩაბნელებულ დარბაზში გაიმართა. მოგვიანებით, შენობაში ელექტროენერგიის მიწოდება აღდგა.
