სახელმწიფო პროექტში „დანერგე მომავალი“ ცვლილებები შევიდა. ბაღების თანადაფინანსების კომპონენტს ახალი ქვეკომპონენტი - კენკროვანი კულტურები დაემატა, რომელიც კონკრეტულ გეოგრაფიულ არეალში ლურჯი მოცვის, მაყვლის და ჟოლოს ინტენსიური ბაღების გაშენების დაფინანსებას ითვალისწინებს.
ქვეკომპონენტი მრავალწლოვანი კენკროვანი კულტურების ნერგების, სარწყავი სისტემის მოწყობის და/ან ბაღების გაშენებისთვის საჭირო მასალების შეძენისთვის ფინანსურ მხარდაჭერას ითვალისწინებს.
ქვეკომპონენტის პირველი პრეზენტაცია მოსახლეობისთვის საქართველოს მასშტაბით გაიმართება ქალაქ დუშეთში. დაინტერესებულ პირებს, გთხოვთ, მობრძანდეთ ხუთშაბათს 20 სექტემბერს 11:45 საათზე, ქალაქ დუშეთში მდებარე კულტურის სახლში.