შინაგან საქმეთა ყოფილი მინისტრის, ვანო მერაბიშვილის ადვოკატი, გიორგი ჩივიაშვილი "ჯი-ეიჩ-ენთან" აცხადებს, რომ მერაბიშვილის ჯანმრთლელობის მდგომარეობა საავადმყოფოში გადაყვანამდე როგორიც იყო, ისეთივეა.
მან მსჯავრდებული ყოფილი მინისტრი საპყრობილეში რამდენიმე დღის წინ მოინახულა.
"ვანო მერაბიშვილის ჯანმრთელობის მდგომარეობა ისევ ისეთია, როგორიც იყო, არაფერი გაუმჯობესებულა. ამბობს, რომ ცუდად არის", - აცხადებს ჩივიაშვილი.
ასეთი მდგომარეობობის ფონზე, თუ რატომ არ დატოვეს ის საავადმყოფოში, ადვოკატს პასუხი არ აქვს.
"არ ვიცი, ალბათ, თვლიან, რომ ამ პირობებში შეიძლება მისი მკურნალობა. ჩვენ ახლა დამატებით კვლევებს ვატარებთ და ამის მიხედვით გვექნება ჩვენი პოზიცია. კვლევის შედეგები სხვადასხვა ექიმებთან გვაქვს გაგზავნილი, როგორც კი მივიღებთ პასუხებს, იმის მერე დავაფიქსირებთ პოზიციას", - დასძენს ჩივიაშვილი.
შეგახსენებთ, რომ ვანო მერაბიშვილი რამდენიმე დღის წინ, ციხიდან საავადმყოფოში გადაიყვანეს. როგორც ცნობილია, მას სასუნთქ გზებზე აქვს პრობლემა.
ყოფილ შს მინისტრს საპყრობილის დატოვებამდე წელიწადნახევარზე მეტი დარჩა.