საქართველოს საგარეო საქმეთა სამინისტროს შეფასებით, ბელორუსის მიერ აფხაზეთისა და ე.წ. სამხრეთ ოსეთის დამოუკიდებლობის აღიარების საფრთხე ამ ეტაპზე არ არსებობს.
"ბელორუსთან ყველა დონეზე ვთანამშრომლობთ და კარგი ურთიერთობა გვაქვს, ამიტომ არ მინდა მოვლენებს წინ გავუსწრო. ვიცით, რომ ბელორუსზეც, ისე როგორც ბევრ ქვეყანაზე, რუსეთის მხრიდან ზეწოლა ხორციელდება, თუმცა ვფიქრობ, ამ ეტაპზე მინსკის მიერ ჩვენი კონფლიქტური რეგიონების აღიარების საფრთხე არ არსებობს", - განუცხადა ჟურნალისტებს საგარეო უწყების ხელმძღვანელის მოადგილე ნინო კალანდაძემ.
მისივე ინფორმაციით, წლის ბოლომდე ბელორუსის საპარლამენტო დელეგაცია საქართველოს, საქართველოს საპარლამენტო დელეგაცია კი, ბელორუსს ეწვევა.
