სსიპ-ებთან და აიპ-ებთან დაკავშირებით ზოგადად ვაპირებთ ფუნდამენტურ ცვლილებებს პოლიტიკასა და მიდგომებში, – ამის შესახებ პრემიერმინისტრმა მამუკა ბახტაძემ მთავრობის დღევანდელი სხდომის დაწყებამდე გამართულ ბრიფინგზე რელიგიის საკითხთა სააგენტოსთან დაკავშირებით დასმული კითხვის საპასუხოდ განაცხადა.
მისი თქმით, არსებობს გარკვეული პროცედურული საკითხები.
„ჩვენ ვფიქრობთ, რომ ამ მიმართულებით არის მნიშვნელოვანი რესურსი, რათა მივიღოთ გაცილებით უკეთესი ეფექტი და უფრო ეფექტური ბიუროკრატია. ამ მიმართულებით ნაბიჯები გადაიდგმება და ეს არ ეხება მხოლოდ რელიგიის სააგენტოს. ბუნებრივია შესაძლებელია, გაუქმდეს, გაერთიანდეს, მივიღოთ ოპტიმიზაციები და ის ეფექტი, რაც სჭირდება ჩვენს მოსახლეობას“, – განაცხადა მამუკა ბახტაძემ.