20 წლის ანა ნაცვლიშვილის მკვლელობაში ბრალდებულ ლადო გრიგალაშვილის ადვოკატის, ნაირა ოტიაშვილის განცხადებით, მისი დაცვის ქვეშ მყოფი ფულს არავის სძალავდა და ეს ბრალი მას ბრალის დასამძიმებლად წაუყენეს.
"ვინაიდან მტკიცებულებები, რომელიც ბრალდების მხარეს ჰქონდა წარმოდგენილი განზრახ მკვლელობის ფაქტზე რბილად რომ ვთქვათ, არ აკმაყოფილებს ბრალდების მხარის პოზიციებს, გამოძებნა აბსოლუტურად სხვა პირი, რომელმაც ჩვენება მისცა, არა იმ კუთხით, რა კუთხითაც ეს ბრალდებულს რამეთი დააზიანებდა, არამედ ფაქტთან დაკავშირებით. სამწუხაროდ, მე ამ ეპიზოდში მაქვს ხელი მოწერილი გაუთქმელობის პირობაზე, თუმცა, ვიტყვი რომ ეს ეპიზოდი გარდაცვლილს არ ეხება.
არავინ არავის არაფერს არ სძალავდა. ეს ადამიანები იყვნენ ნაცნობები, ერთმანეთში საუბრობდნენ ტელეფონით, ხუმრობდნენ და ეს ხუმრობის ფაქტები გამოიყენა. რაზე ხუმრობენ ვერ გეტყვით მოვა ეს გოგონა პროცესზე და იტყვის ყველაფერს. ბრალდების მხარეს დასჭირდა ამ მტკიცებულების შექმნა და შექმნა კიდეც. ბრალის დამძიმებისთვის სჭირდებოდათ", - აცხადებს ოტიაშვილი.