პარტნიორული ურთიერთობები რუსეთთან გართულდა, თუმცა ბერლინი აპირებს გააგრძელოს დიალოგი მოსკოვთან - განაცხადა გერმანიის საგარეო საქმეთა მინისტრმა, ჰაიკო მაასმა ტელეარხ ARD-ის ეთერში.
ამავდროულად, გერმანიის დიპლომატიის ხელმძღვანელმა მოუწოდა მოსკოვს, სირიასთან დაკავშირებით სიტუაციის დარეგულირების უფრო კონსტრუქციული მიდგომისკენ.
"რუსეთი გახდა უფრო რთული პარტნიორი, მაგრამ მასთან დიალოგის გაგრძელება აუცილებელია. მე რუსეთის მხრიდან ველოდი უფრო კონსტრუქციულ მიდგომას. მას შეეძლო ყველაფერში მაინც არ დაეფარებინა ხელი ასადისთვის „ - განაცხადა მან.
გერმანიის საგარეო საქმეთა მინისტრმა ასევე აღნიშნა, რომ მოსკოვის მონაწილეობა სირიაში სიტუაციის მოსაგვარებლად აუცილებელია.
"გვინდა ჩვენ ეს თუ არა, სირიაში კონფლიქტი არ მოგვარდება რუსეთის გარეშე", - დასძინა მინისტრმა.