კომპანია'"ამერიკან მონოლითთან" დაკავშირებით ეკონომიკისა და მდგრადი განვთარების მინისტრი ვერა ქობალია აცხადებს, რომ პროექტი ვითარდება და ის მომავალშიც აუცილებლად შეხვდება ნებისმიერ ინვესტორს, რომელიც ქვეყანაში ინვესტირებას გადაწყვეტს.
"პროექტი ვითარდება და არ აქვს მნიშვნელობა ეს "ამერიქან მონოლითი" იქნება თუ სხვა კომპანია. თუ ინვესტორი საქართველოში ინვესტირებას გადაწყვეტს მე მათ პირადად შევხვდები და დავეხმარები იმაში რომ ქვეყანაში ინვესტიცია ჩადოს, რაც საბოლოო ჯამში ახალ სამუშაო ადგილებს შექმნის და განავითარებს ქვეყნის ეკონომიკას" - განაცხადა ქობალიამ.
ცნობისთვის, პრემიერ-მინისტრმა ნიკა გილაურმა ეკონომიკისა და მდგრადი განვითარების მინისტრს მომზადებული საკითხი დაუწუნა და კომპანია "ამერიქენ მონოლითისათვის~ მიწის მისაყიდად მინისტრსა და ინვესტორს გარკვეული გარანტია მოსთხოვა. საუბარია "ამერიქენ მონოლითზე", რომლის გამოც საქართველოს პრეზიდენტმა ეკონომიკური განვითარების მინისტრის ყოფილ მოადგილეს გრიგოლ გობეჯიშვილს უსაყვედურა და "გაქსუებული მოხელე" უწოდა.
"ჯი-ეიჩ-ენისათვის" ცნობილი გახდა, რომ 27 ივლისს, მთავრობის სხდომაზე, სადაც "ამერიქენ მონოლითისათვის~ ფოთში მიწის მიყიდვის საკითხი იხილებოდა. ვერა ქობალიამ წარმოადგინა პროექტი, რომლის მიხედვითაც "ამერიქენ მონოლითის~ 3 ათასი კვ-მ მის მფლობელი სიმბოლურ ფასად 1000 ლარად უნდა გამხდარიყო, რის სანაცვლოდაც კომპანია 9 მლნ. დოლარის ინვესტიციას განახორციელებდა. რეალურად კი ,,ამერიქენ მონოლითიმა" ზურაბ პოლოლიკაშვილის მინისტრობის პერიოდში ფოთში სიმბოლურ ფასად 3 ათასი კვ-მ მიწა მოითხოვა, მაშინ როდესაც აღნიშნულ ტერიტორიაზე 1 კვ-მ ფართობი მინიმუმ 100 დოლარი ღირდა.
ამავე დროს, კომპანიამ ვერ მოახერხა გობეჯიშვილისთვის გარკვეული გარანტია წარმოედგინა, რის საფუძველზეც გობეჯიშვილმა დაგვიანებით, თუმცა კომპანიას წერილი მაინც მისწერა, რომელშიც დასაბუთებული იყო, რომ საკითხის გადაწყვეტა ადგილობრივი თვითმართველობის პრეროგატივა იყო.
საბოლოოდ მთავრობა და ვერა კობალია შეთანხმდნენ იმაზე, რომ თუ "ამერიქენ მონოლითი" ფოთში მიწის შესაძენად რეალურ საფასურს გადაიხდის და დაპირებული 9 მილიონიანი ინვესტიციისთვის მინიმუმ 900 ათასიან გარანტიას წარმოადგენს, მაშინ მთავრობა კომპანიისთვის მიწის მიყიდვის საკითხს დაუბრუნდება.
ასევე ცნობილი ხდება, რომ "ამერიქენ მონოლითი", რის გამოც მიხეილ სააკაშვილმა ეკონომიკური განვითარების მყოფილ მოადგილეს გრიგოლ გობეჯიშვილს გაქსუებული უწოდა და არაკომპეტემნტურობაში დაადანაშაულა ყაზახური "სილქროუდ ჯგუფის" შვილობილი კომპანიაა, რომელმაც სახელმწიფოსთვის 900 ათასიანი გარანტიის წარდგენა ვერ შეძლო.
"ჯი-ეიჩ-ენისთვის" ცნობილი გახდა, რომ "ამერიქენ მონოლითი" არასაიმედოდ მიიჩნიეს და კომპანიისთვის მიწის მისაყიდად ინვესტორს გარკვეული გარანტია მოსთხოვეს. ამასთა, ცნობილი ხდება, რომ "სილქროუდ ჯგუფის" ერთ-ერთი შვილობილი კომპანია "სილქროუდ მოტორსი" შესყიდვების სააგენტოს შავ სიაშია.
"სილქროუდ ჯგუფი" ეს ის ყაზახური ჯგუფია, რომლის მფლობელობაშიცაა შპს "აჭარა რიზორთ ჰოლდინგ B.V", რომელმაც 2006 წელს ვალდებულება აიღო, რომ 2010 წლისათვის აჭარაში 21 ობიექტს ააშენებდა.
აჭარის მთავრობასა და ყაზახ ინვესტორებს შორის 2006 წლის 18 თებერვალს გაფორმებული ხელშეკრულება 2010 წლამდე რეგიონში 21 ობიექტის მშენებლობას ითვალიწინებდა. დღეისათვის კი აჭარაში მხოლოდ ერთი კომპლექსის მშენებლობა მიმდინარეობს და 2011 წლის ბოლომდე ბათუმში სასტუმრო "მედეას" ყოფილ ტერიტორიაზე სასტუმრო "რედისონი" გაიხსნება.
წლების წინ "აჭარა რიზორთ ჰოლდინგ B.V", ბათუმში, ქობულეთსა და მწვანე კონცხზე არსებული ობიექტები პირდაპირი მიყიდვის წესით 17 მლნ დოლარად გადაეცა. აქედან ნასყიდობის ღირებულებამ 4 მილიონი დოლარი შეადგინა, ხოლო შენობებიდან გამოსახლებული დევნილების კომპენსაციას 13 მილიონი დოლარი მოხმარდა. რა რაოდენობის თანხის დაბანდებას გეგმავს და როდის დაიწყებს სხვა ობიექტების მშენებლობას ყაზახური კომპანია ამის შესახებ, ყაზახური ჯგუფი კომენტარს არ აკეთებს. რადგან "აჭარა რიზორთ ჰოლდინგ B.V"-მ აღებულ ვალდებულებას 2010 წლამდე ვერ შეასრულებდა, ქართულმა მხარემ ხელშეკრულების ვადის გაგრძელების გადაყვეტილება მიიღო, ვადა უკვე 2015 წლამდე გაუხანგრძლივა.
"სოლქროუდ ჯგუფს" კახეთის მოსახლეობა უკვე დაუპირისპირდა. ადგილობრივების განცხადებით, წინანდლის კომპლექსში ინვესტირებისას კომპანიის და ხელისუფლების წარმომადგენლები სოფლის მაცხოვრებლებს დაპირდნენ, რომ ბაღში შესვლას უფასოდ შეძლებდნენ, თუმცა უშედეგოდ. წინანდლის მცხოვრებლების განმარტებით, ბაღში შესასვლელად თითოეული ადამიანისგან 2 ლარს ითხოვენ, ხოლო ალექსანდრე ჭავჭავაძის სახლ-მუზეუმის დასათვალიერებლად 6 ლარს.
ცნობისთვის, "სილქროუდ ჯგუფი" საქართველოში წილ ფლობს "ბი თი ეი ბანკში", "სილქროუდ ბანკში". "ბი თი ეი ბანკი საქართველოს" საკონტროლო პაკეტის მფლობელი "სილქროუდ საფინანსო ჯგუფი" გახდა. თბილისის ცენტრალური ფოსტის ყოფილ შენობაში, "სიქლნეტში" და რამდენიმე კომპანიაში.
შეგახსენებთ, რომ 19 ილისს, საქართველოს პრეზიდენტმა ყვარლის ტბაზე გამართულ მთავრობის გასვლით სხდომაზე მინისტრის ყოფილი მოადგილის გრიგოლ გობეჯიშვილის წერილზე ისაუბრა და იგი ინვეტორებისადმი უყურადღებობაში დაადანაშაულა. წერილი გობეჯიშვილის მიერ "ამერიქენ მონოლითისთვის" იყო გაგზავნილი. "ეს გრიგოლ გობეჯიშვილი ალბათ, საძმაკაცოში კარგ ბიჭად ითვლება, ალბათ ქელეხებსა და ქორწილებზე დადის, ბავშვებს ნათლავს და ძმაკაცებს ხელს უმართავს, მაგრამ საქართველო მას არ უყვარს. ის არის გაქსუებული, გათავხედებული, თავგასული მოხელე. აი, ვინ არის მთავარი პრობლემა საქართველოსი. არა მტერი და უცხოური აგრესია, არამედ გრიგოლ გობეჯიშვილისნაირი გაქსუებული მოხელეები არიან მთავარი პრობლემა და მთავარი მიზეზი, რომ ჩვენი ხალხი ისევ გაჭირვებაშია. აი, ვინ არცხვენს საქართველოს", _ განაცხადა პრეზიდენტმა.
მოგვიანებით, ეკონომიკისა და მდგრადი განვითარებს მინისტრმა აღიარა, რომ გობეჯიშვილის მიერ ხელმოწერილი ინვესტორისადმი გაგზავნილი წერილი პრეზიდენტს მან გადაცა.